एजेन्सी । लस भेगासका अर्बपति जे ब्लूम साहसिक यात्रामा जान उत्सुक थिए। उनीभन्दा पनि जिज्ञासु उनको २० वर्षको छोरा थिए जो टाइटानिकका कथाहरू सुनेर धेरै प्रभावित भएका थिए । तर, त्यसपछि ब्लूमलाई केही लाग्यो र उनले अन्तिम क्षणमा आफ्नो यात्रा रद्द गरे।
ब्लुम र उनका छोरा टाइटानिकको भग्नावशेष हेर्न एउटै टाइटन पनडुब्बीमा चढ्न लागेका थिए जहाँ विस्फोटमा पाँच जनाको मृत्यु भएको थियो।
ब्लूम लस भेगासमा एक लगानीकर्ता हो। स्टकटन रशले उनलाई यो यात्राको लागि मनाउन निकै प्रयास गरेका थिए। यसका लागि उनले धेरै हदसम्म मन बनाइसकेका थिए ।
यसका लागि उनी निकै उत्सुक देखिन्थे । तर यो यात्राका क्रममा उनले सुरक्षाका विषयमा पनि केही प्रश्न उठाएका थिए ।
यो यात्रा उनका र छोराको लागि सुरक्षित छ कि छैन भनेर बारम्बार सोधिएको थियो र यसैले अन्तिम समयमा उनले आफ्नो र छोराको नाम फिर्ता लिएका थिए ।
एक अन्तर्वार्ताका क्रममा ब्लूमले यो कुरा बताएका हुन् ।
जब जे ब्लूमले यस यात्रामा जान अस्वीकार गरे, तब पाकिस्तानी मूलका अर्बपति र पाकिस्तानको सबैभन्दा प्रमुख कर्पोरेट राजवंश मध्ये एकका वंशज प्रिन्स दाउद र उनका छोराले मौका पाए ।
जे ब्लूमले दुई साताअघि बाइक दुर्घटनामा आफ्नो मिल्ने साथी गुमाएका थिए र त्यसबेलादेखि नै उनले जीवनको महत्त्व बुझेका थिए।
ब्लुम भन्छन्ः जब पनि यो दुर्घटनामा ज्यान गुमाएका पाकिस्तानी व्यापारी र उनका छोराको तस्बिर हेर्छु, तब मलाई लाग्छ कि म र मेरो छोरा त्यो घटनामा हुने थियौँ ।
