दिल्लीमा वर्षाले ४१ वर्षको कीर्तिमान तोड्यो

एजेन्सी । छिमेकी राष्ट्र भारतको दिल्ली, हिमाचल, पञ्जाबलगायत देशका उत्तरी राज्यहरूमा भारी वर्षा भइरहेको छ ।

दिल्लीमा ४१ वर्षको रेकर्ड तोडिएको छ । सन् १९८२ यता जुलाईमा एकै दिनमा सबैभन्दा बढी १५३ मिलिमिटर वर्षा भयो ।

यसअघि सन् १९८२ जुलाई २५ मा १६९.९ मिलिमिटर वर्षा भएको थियो । सन् २००३ मा २४ घण्टामा १३३.४ मिलिमिटर वर्षा भएको थियो । यस्तै २०१३ मा, दिल्लीमा १२३.४ मिमी वर्षा भएका थियो ।

भारतीय मौसम पूर्वानुमान महाशाखाले आगामी २४ घण्टामा राजस्थान, मध्य प्रदेशलगायत २३ राज्यमा भारी वर्षाको सम्भावना रहेको चेतावनी दिएको छ । हिमाचलको लाहौल र स्पितीमा बाढी र हिमपहिरोको चेतावनी जारी गरिएको छ ।