एजेन्सी । उत्तर कोरियाली नेता किम जोङ उन अमेरिकी भूमिमा आक्रमण गर्नसक्ने अन्तरमहादेशीय ब्यालेस्टिक मिसाइलको तयारीमा व्यस्त छन् ।
उनले यस मिसाइलको दोस्रो परीक्षणको निरीक्षण गरेको मिडिया रिपोर्टमा उल्लेख छ।
यससँगै उनले उत्तर कोरियाको आणविक क्षमता बढाउने संकल्प पनि गरेका छन् ।
सरकारी मिडियाले दिएको जानकारी अनुसार उत्तर कोरियाले दक्षिण कोरियाप्रति आफ्नो सुरक्षा प्रतिबद्धता बढाउने काम गरिरहेको छ ।
उत्तर कोरियाले अमेरिकाको कदमको जवाफ दिन आफ्नो हतियार विस्तार गर्ने घोषणा गरेको बताइएको छ ।
सरकारी सञ्चारमाध्यमले किमलाई उद्धृत गर्दै भनेका छन्, ‘वर्तमान अस्थिर अवस्थामा कोरियाली प्रायद्वीपको सुरक्षा वातावरणलाई शत्रु शक्तिहरूले सधैं गम्भीर रूपमा खतरामा पारेको छ। तसर्थ, आणविक युद्धको सामना गर्न हाम्रो क्षमताहरूलाई बलियो बनाउन थप प्रयासहरू आवश्यक छ।’
किमले हालै गरेको प्रक्षेपणलाई रणनीतिक शक्तिको प्रवर्द्धनका लागि महत्वपूर्ण कदमको रुपमा व्याख्या गरेका छन् ।
यो प्रक्षेपण यस्तो समयमा गरिएको हो जब उत्तर कोरियाले केही समय अघि अमेरिकाले आफ्नो देशमा जासुसी गरेको आरोप लगाएको थियो ।
उत्तर कोरियाले अमेरिकाले जासुसीका लागि उत्तर कोरियाको नजिक सैन्य विमान उडाएको बताएको थियो।
