सुन प्रकरण: ठमेलको होटल भियनाका सञ्चालक दावा छिरिङ पक्राउ

काठमाडौँ । राजस्व अनुसन्धान विभागले काठमाडौंको ठमेलको होटल भियनाबाट एक जनालाई पक्राउ गरेको छ ।

विभागको टोलीले आइतबार बिहान उक्त होटलबाट दावा छिरिङलाई पक्राउ गरेको हो । उक्त होटल उनकी श्रीमतीको नाममा रहेको बताइएको छ ।

त्रिभुवन अन्तर्राष्ट्रिय विमानस्थलबाट भित्रिएको करिब सय किलो सुनमा नेपाली मूलका बेल्जियम नागरिक रहेका छिरिङको पनि कनेक्सन देखिएपछि विभागको टोलीले उनलाई पक्राउ गरेको हो ।

साथै, विभागले सो होटलबाट सिसिटिभी फुटेज, कम्प्युटरहरू पनि जफत गरी अनुसन्धान थालेको छ । छिरिङसँगै सुन प्रकरणमा १८ जना पक्राउ परिसकेका छन् ।