यूएईले दियो राष्ट्रपति पौडेललाई कोप २८ सम्मेलनमा सहभागी हुन निम्तो

काठमाडौँ। युनाइटेड अरब इमिरेट्स (यूएई)ले राष्ट्रपति रामचन्द्र पौडेललाई यूएई भ्रमणको निम्तो दिएको छ। नेपालका लागि यूएईका राजदूत अब्दुल्लाह जरवान अल शाम्सीले राष्ट्रपतिसँग मंगलबार गरेको शिष्टाचार भेटका अवसरमा उक्त निमन्त्रणा दिएको हो।

काठमाडौँस्थित यूएई दूतावासका अनुसार आगामी नोभेम्बरमा यूएईमा हुन लागेको कोप २८ सम्मेलनमा सहभागी हुन राष्ट्रपति पौडेललाई निमन्त्रणा गरिएको हो।

भेटमा यूएईका राष्ट्रपतिले उक्त सम्मेलनमा सहभागी हुन राष्ट्रपति पौडेललाई पठाएको निमन्त्रणा राजदूत शाम्सीले हस्तान्तरण गरेका थिए।