चितवनको मनकामना अस्पतालमा गर्भवतीको मृत्यु भएपछि तनाव

चितवन । चितवनको मनकामना अस्पतालमा गर्भवती महिलाको मृत्यु भएपछि अस्पताल परिसरमा तनाव भएको छ । भरतपुर महानगरपालिका–२६ घर भएकी ३२ वर्षीय नविना महतोको उपचारका क्रममा मृत्यु भएपछि अस्पताल परिसरमा तनाव भएको हो ।

मृतकका आफन्तले चिकित्सकको लापरबाही गर्दा तीन महिने गर्भवतीको मृत्यु भएको आरोप लगाएका छन् ।

अस्पतालका अनुसार गर्भपतनको लागि अस्पताल आएकी उनको अपरेसन पछि अत्याधिक रक्तश्राव भएर मृत्यु भएको अस्पतालले जनाएको छ ।

अस्पतालबाट लास निकाल्न जबरजस्ती हस्ताक्षर गराइएपछि अवस्था असहज भएको मृतकका देवर सन्तोष चौधरीले बताए । अस्पतालमा तनाव सिर्जना भएपछि राती १ बजेदेखि नै बाक्लो रुपमा प्रहरी परिचालन गरिएको छ ।