न्यायाधीशका पिएसओको पेस्तोल चोरी गरेको आरोपमा दुई जना पक्राउ

काठमाडौँ। सर्वोच्च अदालतका न्यायाधीश नहकुल सुवेदीका पिएसओ सई प्रभाकर खड्काको पेस्तोल चोरी गरेको आरोपमा दुई जना पक्राउ परेका छन्।

जिल्ला प्रहरी परिसर काठमाडौंले चोरी आरोपमा दुई जनालाई पक्राउ गरेको हो। प्रहरीले सिन्धुपाल्चोकका २१ वर्षीय बासुदेव थामी र सिन्धुलीका २७ वर्षीय मेगबहादुर तामाङलाई गत शुक्रबार पक्राउ गरेको हो।

उनीहरूले कागेश्वरी मनोहरा नगरपालिका– १ गागलफेदीस्थित खड्काको घरमा गत असार ३० गते पेस्तोल चोरी गरेको आरोप छ। त्यसदिन अन्य घरमा अन्य कुराहरु पनि चोरी भएको बताइएको छ।

प्रहरीले घटनाको अनुसन्धान गरिरहेको छ।