संखुवासभा कारागारमा झडप हुँदा दुई कैदीबन्दीको मृत्यु

काठमाडौँ। संखुवासभा कारागारमा झडप हुँदा दुई जना कैदीबन्दीको मृत्यु भएको छ।

झडपमा नुवाकोटको ककनी–७ घर भएका आकाश बलामी र संखुवासभाको मादी घर भएका विनोद तोलांगीको मृत्यु भएको संखुवासभा प्रहरी प्रमुख डीएसपी वीरेन्द्र गोदारले जनाएका हुन्। उनका अनुसार आकाश चोरी र विनोद जबर्जस्ती करणी मुद्दामा सजाय भोगिरहेकाहरू हुन्।

प्रहरीका अनुसार बुभबार बिहान भाग्ने उद्देश्यले उनीहरु बाहिर निस्किएका थिए। सोहि क्रममा प्रहरीले देखेपछि उनीहरुलाई नियन्त्रणमा लिएको थियो। त्यसलगत्तै भित्र कुटाकुट गरेपछि दुईजनाको मृत्यु भएको प्रहरीको भनाइ छ।

प्रहरीका अनुसार घटनाबारे अनुसन्धान जारी छ।