सर्लाहीमा पुलमुनि एक जना युवकको टाउको भेटियो

सर्लाही । सर्लाहीको हरिवन नगपालिका–४, स्थित लखन्देखी पुलमुनि एकजना युवकको टाउको मात्रै फेला परेको छ ।

स्थानीयले खोलाको बगरमा शिरमात्रै देखेपछि प्रहरीलाई जानकारी गराएका थिए । हाल प्रहरी टोली घटनास्थलमा पुगेर थप अनुसन्धान गरिरहेको सर्लाही प्रहरीका सूचना अधिकारी एवं प्रहरी नायब उपरीक्षक दीपेन्द्र पन्जियार थारुले जानकारी दिए ।

प्रनाउ थारुका अनुसार घटनास्थलको अवस्था हेर्दा युवकको भर्खरै हत्या भएको जस्तो देखिन्छ । घटनास्थलमा अहिले प्रहरी उपरीक्षक नरेशराज सुवेदी आफै पुगेर अनुसन्धानमा जुटेका छन् ।

युवकको सोही ठाउँमा हत्या भएको वा उत्तरी भेगमा हत्या भएर त्यहाँसम्म बाढीले बगाएर ल्याएको हो भन्ने खुल्न सकेको छैन ।