कपनको खहरे खोलामाथि बनेका घरटहरा भत्काउन महानगर पुगेपछि तनाव

काठमाडौँ। डोजर सहित काठमाडौँ महानगरपालिका वडा नं. ७ कपनमा खहरे खोलामाथि बनेका घरटहरा भत्काउन पुगेको महानगरको टोली र स्थानीयबीच तनाव भएको छ। महानगरको डोजर पुगेपछि स्थानीयले विरोध जनाएका हुन्।

यो बुढानीलकण्ठ नगरपालिकासँग सीमा जोडिएको क्षेत्र हो। बुढानीलकण्ठ नगरपालिका– १० नम्बर वडाको सिमानामा पर्ने साततले नजिकैको खोला मिचेर घर बनाएको, सेटब्याक नछोडी खोला मिचेको भन्दै सामाखुसी खोला जसरी नै खोल्न काठमाडौँ महानगरपालिका डोजरसहित त्यसक्षेत्रमा पुगेको थियो।

वर्षाको समयमा महानगरपालिकाले डोचर आतंक चलाउन खोजेको भन्दै स्थानीयले महानगरपालिका र बुढानीलकण्ठ नगरपालिकाविरुद्ध पनि नारावाजी लगाईरहेको छन्।