रवि लामिछाने नेपाल र भारतबीचको क्रिकेट हेर्न श्रीलंका प्रस्थान

काठमाडौँ। राष्ट्रिय स्वतन्त्र पार्टी (रास्वपा)का सभापति रवि लामिछाने श्रीलंका प्रस्थान गरेका छन्। एसिया कप क्रिकेट अन्तर्गत नेपाल र भारतबीचको खेल हेर्न उनी श्रीलंका प्रस्थान गरेका हुन्।

श्रीलंकाको क्याण्डीस्थित तालेकेले क्रिकेट मैदानमा सोमबार नेपाल र भारतबीच प्रतिस्पर्धा हुँदैछ। सोही खेल हेर्न र नेपाली टोली हौसला बढाउन उनी पत्नी निकिता पौडेल लामिछाने र रास्वपाका केन्द्रीय सदस्य दिपक बोहोरासँगै श्रीलंकातर्फ प्रस्थान गरेका हुन्।

नेपाल र भारतबीचको खेल सोमबार दिउँसो स्थानीय समयअनुसार सवा ३ बजे सुरु हुनेछ।

एसिया कपको पहिलो खेलमा नेपाल पाकिस्तानसँग पराजित भएको थियो। भारतले भने पाकिस्तानसँग अंक बाँडेको थियो।