रुटिन अफ नेपाल बन्दको पेज ‘अनपब्लिस’

काठमाडौँ। लोकप्रिय फेसबुक पेज ‘रुटिन अफ नेपाल बन्द’ अचानक बन्द भएको छ। ४० लाख फलोअर्स भएको पेज ‘अनपब्लिस’ भएको हो।

उक्त पेजका सञ्चालक भिक्टर पौडेलले सामाजिक संजालमा एक पोस्ट गर्दै पेज ‘अनपब्लिस’ गरेको जानकारी दिएका छन्। केही बेरअघि फेसबुकमा स्टाटस लेख्दै ‘बोल्ड डिसिजन’ लिन लागेको बताएका थिए। त्यसलगत्तै फेसबुक पेज र इन्स्टाग्रामको पेज बन्द भएको हो।

मेयर साहले महानगरको गाडीलाई सरकारले रोकेको भन्दै सिंहदरबारमा आगो लगाइदिने धम्कीपूर्ण स्टाटस लेखेका थिए त्यसलाई लिएर बालेनको तीव्र आलोचना भएको थियो। भोलिपल्ट बिहानै रुटिन अफ नेपाल बन्दले बालेनको पुत्रीलाभको खबर सार्वजनिक गरेको थियो। तर, समाचारमा पुत्री लाभ केही दिन पहिल्यै भएको उल्लेख थिएन। बालेनमाथि भइरहेको आलोचनालाई डाइभर्ट गर्न भर्खरै सन्तानलाभ भएको जसरी खबर प्रकाशन गरेको आरोप रुटिनमाथि लागेको छ।