राष्ट्रपति पौडेल आज दिउँसो कृष्ण मन्दिर जाने

काठमाडौँ। राष्ट्रपति रामचन्द्र पौडेलले पाटनस्थित कृष्ण मन्दिर गई भगवान् श्रीकृष्णको पूजा एवं दर्शन गर्ने भएका छन्। श्रीकृष्ण जन्माष्टमीका अवसरमा उनी पाटन जान लागेका हुन्।

राष्ट्रपति पौडेलको सचिवालयका अनुसार उनी आज दिउँसो ३ बजे कृष्णमन्दिरमा पुग्ने कार्यक्रम रहेको छ। प्रत्येक वर्ष भाद्र कृष्णाष्टमी अर्थात् आजका दिन राष्ट्राध्यक्षले पाटन कृष्ण मन्दिरमा पूजा एवं दर्शन गर्ने परम्परा रहिआएको छ।