ओखलढुङ्गामा छिमेकीको हत्या आरोपमा ८३ वर्षीय वृद्ध पक्राउ

ओखलढुङ्गा। ओखलढुङ्गामा छिमेकीको हत्या आरोपमा ८३ वर्षीय वृद्ध पक्राउ परेका छन्। ८३ वर्षकै सोमबहादुर अधिकारीको हत्या गरेको आरोपमा प्रहरीले सुनकोशी गाउँपालिका–८ च्यानम माँझ गाउँका तिलकबहादुर कटुवाललाई पक्राउ गरेको हो।

दुवै जनाबीच बुधवार हिजो बिहान सामान्य भनाभन भएको थियो। गोठबाट दूध लिएर घर फर्कँदै गरेका अधिकारी कटुवालले धकेल्दा लडेर घाइते भएका थिए।

घाइते भएका अधिकारीलाई उपचारका लागि जिल्ला अस्पताल ल्याइएकामा उनलाई चिकित्सकले मृत घोषित गरेका जिल्ला प्रहरी कार्यालयका प्रहरी निरीक्षक विकास राईले जानकारी दिए।

प्रहरीले कटुवाललाई हिजो बेलुका पक्राउ गरेको हो।