कोशी प्रदेश सरकारविरुद्धको रिटमा बहस सकियो, फैसला आजै आउने

काठमाडौँ। कोशी प्रदेश सरकारका मुख्यमन्त्री उद्धव थापाविरुद्ध परेको रिटमा बहस सकिएको छ। पूर्वमुख्यमन्त्री समेत रहेका नेकपा एमाले कोशी प्रदेश संसदीय दलका नेता हिक्मतबहादुर कार्कीले सर्वोच्च अदालतमा दर्ता गराएको रिटको बहस सकिएको हो।

बिहीबार मुख्यमन्त्री उद्धव‍ थापाको तर्फबाट वरिष्ठ अधिवक्ता हरिहर दाहाल, खम्बबहादुर खाती, महादेव यादव, प्रेमबहादुर खड्का र सुनिल पोखरेल लगायतले बहस गरेका छन्।

सर्वोच्च अदालतका न्यायाधीशहरू सपना प्रधान मल्ल, डा. कुमार चुँडाल र नहकुल सुवेदीको पूर्णइजलासमा बहस भएको हो। अहिले फैसला लेखनको कार्य भइरहेकाले केही समयमा फैसला आउने बताइएको छ।