रौतहटको रामजानकी मन्दिरका पुजारीमाथि संघातिक आक्रमण

जनकपुर। रौतहटको रामजानकी मन्दिरका पुजारीमाथि संघातिक आक्रमण भएको छ। दुर्गा भगवति गाउँपालिका वडा नं. ३ देवीपर्सा टोलमा रहेको रामजानकी मन्दिरका पुजारीमाथि गएराति संघातिक आक्रमण भएको हो।

बिहिवार राति करिब ११ बजे पुजारी साधु मिश्रीलाल साहलाई अज्ञात व्यक्तिले टाउनकोमा धारिलो हतियार प्रहार गरेर फरार भएका थिए। साधु साहको टाउकोमा गहिरो चोट लागेको छ।

पुजारीको उपचार दुर्गा भगवती गाउँपालिका वडा नम्बर १ पिपरा बजार स्थित बागमती हस्पीटलमा भइरहेको जनाइएको छ। टाउकोमा टांका लगाइएको छ भने उनको अवस्था हाल सामान्य रहेको जनाइएको छ।

यस घटनाबारे अनुसन्धान भइरहेको जिल्ला प्रहरी कार्यालय रौतहटले जनाएको छ।