काठमाडौँ। संविधानसभा अध्यक्ष एवं नेकपा एमाले नेता सुवासचन्द्र नेम्वाङको राजकीय सम्मानसहित अन्त्येष्टि गरिँदैछ। अन्त्येष्टिको लागि उनको पार्थिव शरीर आर्यघाट पुर्याइएको छ।
नेम्वाङको हिन्दू र लिम्बू संस्कारअनुसार अन्त्येष्टि गरिन लागिएको हो। उनको पार्थिव शरीरमा प्रधानमन्त्री प्रचण्डले राष्ट्रिय झण्डा तथा एमाले अध्यक्ष ओलीले पार्टीको झण्डा ओढाएर सम्मानसहित अन्तिम बिदाई गरेका छन्।
दाहसंस्कार गर्नुअघि उनलाई सैनिक तथा प्रहरीको टुकडीले राजकीय सम्मान दिइएको थियो। नेम्वाङको अन्तिम संस्कारमा प्रधानमन्त्री पुष्पकमल दाहाल ‘प्रचण्ड’, मन्त्रीहरू, एमाले अध्यक्ष केपी ओली, दलका शिर्ष नेता तथा कार्यकर्ता, आफन्त र शुभेच्छुकको बाक्लो उपस्थिति छ।
नेम्वाङको मंगलबार बिहान हृदयघातबाट निधन भएको थियो।
