‘ई’ सँग वार्ता गर्न काठमाडौँ महानगरले वार्ता टोली गठन गर्‍यो

काठमाडौँ। अभियान्ता ‘ई’ सँग वार्ता गर्न काठमाडौँ महानगरपालिकाले वार्ता टोली गठन गरेको छ। राष्ट्रिय सभागृहको ढोकामा उभिएर आन्दोलन गरिरहेका ‘ई’ सँग वार्ता गर्न महानगरले प्रवक्ता नवीन मानन्धरको नेतृत्वमा वार्ता टोली गठन भएको हो।

वार्ताको तयारीबारे छलफल गर्न अहिले महानगरमा बैठक बस्दैछ। बैठक पछि मात्रै वार्ता कसरी गर्ने भन्नेबारे निर्णय हुने मानन्धरले बताए।

चुनावको समयमा सडक व्यापार व्यवस्थित बनाउने बताएका मेयर बालेन शाह र उपमेयर सुनिता डङ्गोलले चुनावपछि भने आफ्नो प्रतिबद्धता बिर्सिएकाले त्यो कुरा सम्झाउन भन्दै अभियन्ता ‘ई’ ले गएको हप्तादेखि उभिएर आन्दोलन गरिरहेका छन्।

मंगलबार बिहान उपमेयर सुनिता डङ्गोलले आन्दोलनरत ‘ई’ लाई भेटेकी थिइन्। भेटमा उनले फुटपाथ व्यवसायीहरूलाई विकल्प दिने नीति बनाउन आफूले प्रयास गर्ने तर आफ्नो भूमिका सीमित रहने बताए।