आज पनि चिकित्सकको आन्दोलन

काठमाडौँ। शान्तिसुरक्षाको माग राख्दै चिकित्सकहरुले आज पनि आन्दोलन गरेका छन्।

उपचारका क्रममा लापरबाही गरेको भन्दै चिकित्सकमाथि कुटपिटका घटना हुन थालेपछि आकस्मिकबाहेकका सेवा रोकेर चिकित्सकहरु आन्दोलनमा उत्रिएका हुन्।

चिकित्सकको आन्दोलनका कारण बिरामी मर्कामा परेका छन्। आन्दोलनरत चिकित्सकहरुलाई काममा फर्किन स्वास्थ्य तथा जनसंख्या मन्त्री मोहनबहादुर बस्नेतले आग्रह गरेका छन्।