धनगढीबाट कटुवा पेस्तोलसहित एक जना पक्राउ

कैलाली। धनगढीमा कटुवा पेस्तोलसहित एक जना पक्राउ परेका छन्।

उपमहानगरपालिकाको श्रीलंका बस्ने २८ वर्षीय सरोज धानुकलाई १ थान कटुवा पेस्तोल र ४ राउण्ड गोलीसहित मंगलबार साँझ प्रहरीले पक्राउ गरेको हो। जिल्ला प्रहरी कार्यालय कैलालीबाट खटिएको प्रहरीले विशेष सूचनाको आधारमा उनलाई पक्राउ गरेको हो।

यस सम्बन्धमा प्रहरीले थप अनुसन्धान गरिरहेको छ।