उत्कृष्ट विद्यार्थीलाई साइनिङ नेपालले दियो ल्यापटप

काठमाडौँ। साईनिङ नेपाल फाउन्डेसनले तीन सामुदायीक विद्यालयका एसईई परीक्षामा उच्च अंक ल्याउने विद्यार्थीलाई ल्यापटपसहित सम्मान गरेको छ।

पशुपति विकास कोषका सदस्य सचिव राजुकुमार खत्रीले उच्च अंक ल्याउने विद्यार्थीलाई ल्यापटप वितरण गरेका हुन्।

गौशालास्थित मङगलादेवी माध्यमिक बिद्यालयको हलमा कार्यक्रममा कामपा–९ का तीन सामुदायीक विद्यालयका एसईईमा उच्च अंक ल्याउने विद्यार्थीलाई सम्मान तथा ल्याप्टप वितरण गरियो।

गौशालास्थित मङगलादेबि माध्यामिक विधालयकी छात्रा करुणा खरेल, तिलगंगास्थित शारदा माध्यामिक विद्यालयकी छात्रा प्रमिशा न्यौपाने र सिनामंगलस्थित गुहेश्वरी माध्यामिक विद्यालयका छात्र अमन यादवलाई एक, एक वटा ल्यापटप प्रदान गरिएको हो।