पुरानै नागरिकता विधेयक प्रमाणीकरण हुनु राष्ट्रहितविरुद्धः रवि लामिछाने

काठमाडौँ। राष्ट्रिय स्वतन्त्र पार्टीका सांसद रवि लामिछानेले पुरानै नागरिकता विधेयक राष्ट्रपति रामचन्द्र पौडेलबाट प्रमाणीकरण हुनु राष्ट्रहितविरुद्ध भएको टिप्पणी गरेका छन्।

राष्ट्रपति पौडेलले विवादित नागरिकता विधेयक प्रमाणीकरण गरेपछि सभापति लामिछानेले सामाजिक संजालमा एक पोस्ट गर्दै सो टिप्पणी गरेका हुन्। नयाँ जनादेशबाट नयाँ संसद बनेको ६ महिना भइसक्दा पनि संसदमा छलफल नगराइ पुरानै विधेयक सरकारले राष्ट्रपतिबाट प्रमाणिकरण गराउनु राष्ट्रपति जस्तो सम्मानित संस्थाको गरिमा विपरित, लोकतान्त्रित संसदीय मुल्य मान्यता र राष्ट्रहितविरूद्ध भएको लामिछानेको टिप्पणी छ।