मकवानपुरमा क्रेन दुर्घटना हुँदा सहचालकको मृत्यु

मकवानपुर । मकवानपुरको हेटौँडा–१५ स्थित रातोमाटेमा हाइड्रा क्रेन दुर्घटना हुँदा सहचालकको मृत्यु भएको छ ।

रातोमाटेस्थित पूर्व पश्चिम सडकखण्डमा चुरियामाइतर्फबाट हेटौँडातर्फ आउँदै गरेको ना१क ६०५५ नको हाइड्रा क्रेन आफैँ अनियन्त्रित भई सडकको छेउमा पल्टिदा घाइते भएका विश्रामपुर बस्ने वर्ष १८ का सहचालक विपिन महत्तोको उपचारका क्रममा मृत्यु भएको हो ।

घाइते उनलाई उपचारका लागि हेटौँडा अस्पताल लगिएको थियो । उपचारका क्रममा उनको मृत्यु भएको हो ।

क्रेनले च्यापिएको अवस्थामा रहेका उनलार्ई स्थानीयवासीको सहयोगमा निकालिएको प्रहरीले जनाएको छ ।