मधेश सरकारले भूकम्प पीडितलाई ६० लाखको राहत पठाउने

जनकपुरधाम। मधेश सरकारले भूकम्प पीडितलाई ६० लाखको राहत पठाउने भएको छ। जाजरकोट र रुकमको भूकम्प प्रभावितलाई राहत पठाउने निर्णय भएको हो।

सोमबार बसेको मधेश सरकारको विपद व्यवस्थापन समितिको बैठकले ६० लाख मूल्य बराबरको खाद्यान्न राहत स्वरुप पठाउने तयारी निर्णय गरेको हो।

गृह, संचार तथा कानून मन्त्री मोहम्मद समिमका अनुसार चामल, दाल, नुन लगायतका खाद्यान्न सामाग्री राहत स्वरुप पठाइने छ।

सामग्री खरिद गर्न अर्थ मन्त्रालयबाट रकम माग गर्ने र यसविषयमा मन्त्रीपरिषद बैठकबाट समेत निर्णय हुने मन्त्री समिमले बताए।