ताप्लेजुङमा रुखले चेपिएर एक जना युवकको मृत्यु

ताप्लेजुङ । ताप्लेजुङको सिरिजङ्घा गाउँपालिकामा रूख काट्ने क्रममा रुखले चेपिएर एक जना युवकको मृत्यु भएको छ।

पाथीभरा याङ्वरक गाउँपालिका–४ डुम्रिसेका ३१ वर्षीय सुमन लिम्बूको मृत्यु भएको प्रहरीले जनाएको छ ।

सिरिजङ्घा गाउँपालिका–३ सिकैँचामा गोलियाका लागि उत्तिस जातको रुख काट्ने क्रममा अचानक रुखले लागेको र सोही कारण लिम्बूको मृत्यु भएका सिकैँचाका वडासदस्य अम्विका साउदेन लिम्बूले जानकारी दिए । उनका अनुसार शुक्रबार दिउँसो गोलिया काट्ने क्रममा रुखले लागेर युवकको टाउकोमा गम्भीर चोट लागेको थियो ।