लप्सी फेदीमा सशस्त्र प्रहरीका डिएसपी देवराज राईमाथि आक्रमण

काठमाडौँ । शंखरापुर नगरपालिका–३ लप्सी फेदीका स्थानीयहरूले सशस्त्र प्रहरीका डिएसपी देवराज राईमाथि आक्रमण गरेका छन् ।

शंखरापुर नगरपालिका–३ लप्सी फेदी सुरक्षाका लागि प्रहरी पोस्ट राख्ने सरकारले निर्णय गरेको थियो । यसै क्रममा पोस्ट स्थापनाका लागि पुगेका प्रहरी टोलीमाथि स्थानीयले आक्रमण गर्दा डिएसपी राई र केही प्रहरी घाइते भएका हुन् ।

जिल्ला सुरक्षा समिति, काठमाडौँको निर्णयबाट त्यहाँ निर्माण हुने विद्युत सब(स्टेसन र त्यस क्षेत्रको सुरक्षा संवेदनशीलतालाई ध्यान दिएर प्रहरी नायव उपरीक्षकको नेतृत्वमा सशस्त्र प्रहरीको बेस क्याम्प र नेपाल प्रहरीको पोस्ट राख्ने निर्णय गरेको थियो ।

प्रहरीले आक्रमणमा संलग्न चार जनालाई नियन्त्रणमा लिई कारबाही प्रक्रिया अघि बढाएको छ ।