तीनकुने क्षेत्रमा चार जनाभन्दा बढी भेला हुन नपाइने

काठमाडौँ। प्रहरीले काठमाडौँको तीनकुने क्षेत्रमा चारजना भन्दा बढी भेला हुन नपाइने बताएको छ।

मेडिकल व्यवसायी दुर्गा प्रसाईंका समर्थकहरुले आज शुक्रबार पनि प्रदर्शन गरेपछि प्रहरीले चारजना भन्दा बढी भेला हुन नपाइने बताएको हो।

शुक्रबार बिहान प्रदर्शनमा आएका प्रसाईं समर्थक २६ जनालाई प्रहरीले पक्राउ गरेको छ। तीनकुने क्षेत्रमा विरोध प्रदर्शनका लागि निस्किएका उनीहरुलाई पक्राउ गरिएको प्रहरीले जनाएको छ।