विराटनगर। विराटनगरको सात घुम्तीस्थित एक कवाडी गोदाममा भएको आगलागीमा परेर एक जनाको मृत्यु भएको छ। बुधबार दिउँसो भएको आगलागीमा परेर घाइते भई अस्पतालमा उपचार गराइरहेका विराटनगर ७ का ३० वर्षीय दिपक मण्डलको मृत्यु भएको हो।
आगलागीमा परेर ५ जना घाइते भएका थिए। घाइते मण्डलको उपचारको क्रममा मृत्यु भएको हो। उपचार गराईरहेका दुई जनाको अवस्था पनि गम्भीर तथा दुई जनाको अवस्था सामान्य रहेको मोरङ प्रहरीका प्रवक्ता डिएसपी रन्जनकुमार दाहालले जानकारी दिए।
विराटनगर महानगरपालिका, दुहबी, सुन्दरहरैँचा,बेलबारी नगरपालिका,बर्जु गाउँपालिकाको दमकल स्थानीय र प्रहरीको सहयोगमा बाहिरी रुपमा नियन्त्रणमा आएपनी भित्रि भागको आगो नियन्त्रणको प्रयास भईरहेको जिल्ला प्रहरी कार्यालय मोरङले जनाएको छ।
आगलागीको कारण भने अहिलेसम्म खुलेको छैन ।
