डाक्टर केसीको अनसनले चिकित्सा शिक्षा ऐन परिवर्तन प्रक्रिया रोकिदैनः स्वास्थ्यमन्त्री बस्नेत

काठमाडौँ। स्वास्थ्य तथा जनसंख्यामन्त्री मोहनबहादुर बस्नेतले डाक्टर गोबिन्द केसीको अनसन वा आन्दोलनले सरकारले चिकित्सा शिक्षा ऐन परिवर्तन प्रक्रिया नरोक्ने बताएका छन्।

सोमबार चितवनको भरतपुरमा सञ्चारकर्मीसँगको कुराकानीमा उनले पुरानो ऐनकै कारण मुलुकमा चिकित्सा शिक्षा कमजोर भई बिद्यार्थीले पढ्न नपाउने वातावरण भएकोले सरकारले तत्काल ऐन परिवर्तन गर्न लागिरहेको बताएका हुन्। मन्त्री बस्नेतले डाक्टर केसी कराउँदैमा वा आन्दोलन गर्दैमा यसअघिका सरकार डराएको कारण अहिले लाखौं चिकित्सक शिक्षा पढ्न बाहिर गएको जिकिर समेत गरे।

मन्त्री बस्नेतले सरकारले स्वास्थ्य क्षेत्रमा कर्मचारी थप्ने गृहकार्य समेत गरिरहेको जानकारी दिए। सरकारी स्कुलमा कक्षा १२ सम्म सर निःशुल्क गर्ने तयारी गरेको समेत उनले बताए।