रुसी सेनामा कार्यरत कैलालीका भरत शाहको मृत्यु

कैलाली। रुस–युक्रेन युद्धमा कैलालीको टीकापुर नगरपालिका– १ दुर्गानगरका ३६ वर्षीय भरत शाहको मृत्यु भएको छ।

तीन महिनाअघि रुसी सेनामा भर्ना भएका भरतको मृत्यु भएको खबर उनका परिवारले शुक्रबार मात्र पाएका हुन्।

आइतबार कुसको शव बनाएर स्थानीय परम्पराअनुसार टीकापुरस्थित दौलतपुर घाटमा भरतको अन्तिम संस्कार गरिएको छ। उनका मृत्युबारे परराष्ट्र मन्त्रालय र रुसी सरकारले हालसम्म परिवारलाई ‌औपचारिक रुपमा जानकारी भने दिइसकेको छैन।

सात वर्ष नेपाल प्रहरीमा काम गरेका शाह तीन वर्षअघि प्रहरीबाट राजीनामा गरेर दुबई गएका थिए। उनी दुबईमा सुरक्षा गार्डका रुपमा काम गर्दै आएका थिए र उतैबाट रुस गएका थिए।

शाहका श्रीमति, चार वर्षका छोरा र तीन महिनाकी छोरी छन्।