उदयपुरबाट खैरो हिरोइनसहित एक जना पक्राउ

काठमाडौँ । लागुऔषध खैरो हिरोइनसहित एक जना पक्राउ परेका छन् । उदयपुर चौडण्डीगढी नगरपालिका–१ बेलटारका २६ वर्षीय योगेन्द्र खत्रीलाई प्रहरीले उदयपुरबाट पक्राउ गरेको हो ।

खत्रीको साथबाट प्रहरीले ८२० मिलिग्राम खैरो हिरोइन बरामद गरेको हो । हिरोइनबाहेक उनको साथमा चार ग्राम १९० मिलिग्राम चरेस र १५ ट्याब्लेट इस्पास्मोसमेत फेला परेको छ ।

पक्राउ परेका खत्रीमाथि थप अनुसन्धान भइरहेको छ ।