बागमतीका पूर्वमन्त्री बलराम पौडेलको निधन

काठमाडौँ । बागमती प्रदेशका पूर्वमन्त्री बलराम पौडेलको निधन भएको छ । नेपाली कांग्रेसका महासमिति सदस्यसमेत रहेका ६६ वर्षीय पौडेलको बुधबार मध्याह्न साढे १२ बजे दुर्घटनामा परेर निधन भएको हो ।

उनी सवार मोटरसाइकललाई नवरपुरस्थित गैंडाकोटमा बसले ठक्कर दिएको थियो । पोखराबाट गैंडाकोटतर्फ गइरहेको ग १ ख ८५४७ नम्बरको गाडीले पौडेल सवार रहेको ना ४६ प ७७५९ नम्बरको मोटरसाइकललाई ठक्कर दिएको थियो ।

नेकपा एकीकृत समाजवादीका राजेन्द्र पाण्डे नेतृत्वको बागमती सरकारमा पौडेल भूमि व्यवस्था मन्त्री भएका थिए ।

पौडेलको शव भरतपुर जिल्ला अस्पतालमा राखिएको छ ।