काठमाडौँ महानगरविरुद्ध फुटपाथ व्यवसायीहरूको प्रदर्शन

काठमाडौँ । काठमाडौँ महानगरपालिकाविरुद्ध फुटपाथ व्यवसायीहरूले प्रदर्शन गरेका छन् ।

आइतबार राष्ट्रिय स्वोरोजगार व्यवसायी संघ, नेपाल सडक व्यापार व्यवसायी संघ र फुटपाथ व्यापारीहरूले संयुक्त रूपमा महानगरविरुद्ध विरोध प्रदर्शन तथा काठमाडौँ महानगरपालिकाको कार्यालय घेराउ गरेका हुन् ।

महानगरपालिकाले फुटपाथ व्यवसायीहरूका माग सम्बोधन गर्नुपर्ने उनीहरुको माग छ ।स्वरोजगार व्यापारीहरूले गरिखान पाउनुपर्ने र उचित र वैकल्पिक ठाउँ दिनुपर्ने माग गरेका छन् ।

प्रदर्शकारीहरुले स्वरोजगार श्रमको सम्मान गर, हाम्रो आन्दोलन जारी छ, व्यवसायी एकता जिन्दावाद, पुँजीवादी मेयर चाहिँदैनलगायतका नारा लगाएका थिए ।