विद्युत सर्ट भएर सडक डिभिजन कार्यालयमा आगलागी

काठमाडौँ । काठमाडौँको बानेश्वरस्थित सडक डिभिजन कार्यालयमा भएको आगलागी नियन्त्रणमा आएको छ ।

आइतबार दिउँसो करिब दुई बजेतिर विद्युत सर्ट भएर आगलागी भएको महानगरीय प्रहरी वृत्त बानेश्वरले जनाएको हो । आगलागी अहिले नियन्त्रणमा आइसकेको प्रहरीले जनाएको छ ।

केही सामानमा क्षति पुगेको पुगेको र पूर्ण क्षतिको विवरण आई नसकेको बानेश्वर प्रहरी वृत्तका प्रमुख प्रहरी नायव उपरीक्षक (डीएसपी) शिवराम बुढाथोकीले नेपाल प्रेसलाई जानकारी दिए ।

उनका अनुसार आगलागी नियन्त्रणमा लिन पाँच वटा दमकल प्रयोग भएको थियो ।