सुन तस्करी प्रकरणमा मुछिएका कलेज सञ्चालक गुरुङ पक्राउ

काठमाडौँ । सुन तस्करी प्रकरणमा जोडिएका प्लाटिनम कलेजका सञ्चालक जीवनकुमार गुरुङलाई प्रहरीले पक्राउ गरेको छ ।

केन्द्रीय अनुसन्धान ब्युरो (सीआईबी) को टोलीले गुरुङलाई काठमाडौँको सामाखुशीबाट पक्राउ गरेको हो ।

२१ मंसिरमा फ्लाई दुबईबाट आएका चन्द्र घलेको साथबाट बरामद गरिएको १४ किलो सुन तस्करी घटनाको छानबिन र अनुसन्धानका क्रममा गुरुङ योजनाकार रहेको पाइएको थियो । त्यो प्रकरणमा अनुसन्धानपछि जिल्ला अदालत, काठमाडौँमा दायर मुद्दामा उनलाई प्रतिवादी बनाइएको थियो ।

पक्राउ पुर्जी जारी भएपछि उनी फरार भएका थिए ।