गोकर्णेश्वरमा सवारी दुर्घटना हुँदा एक जनाको मृत्यु

काठमाडौँ । काठमाडौँको गोकर्णेश्वरमा सवारी दुर्घटना हुँदा एक जनाको ज्यान गएको छ ।

काठमाडौँको गोकर्णेश्‍वर नगरपालिका–५ नयाँबस्ती क्लब नजिक सडकमा बा३३प १४९६ नम्बरको मोटरसाइकल आफैँ अनियन्त्रित भई शनिबार बिहान दुर्घटना हुँदा एक जनाको ज्यान गएको हो।

ज्यान गुमाउनेमा मोटरसाइकलमा सवार कागेश्‍वरी मनोहरा नगरपालिका–८ गोठाटार बस्ने ३० वर्षीय गोपाल सुनार रहेका छन् । दुर्घटनामा गम्भीर घाइते भएका उनको टिचिङ अस्पताल महाराजगंजमा उपचारको क्रममा मृत्यु भएको हो ।