एक सातापछि कर्णाली पुलमा सवारी आवागमन सुचारु

धनगढी । आगलागीका कारण एक सातादेखि बन्द भएको कैलालीको चिसापानीस्थित कर्णाली पुलमा सोमबारबाट सवारी आवागमन सुचारु भएको छ ।

सडक विभाग र पुल महाशाखाको टोलीले संयुक्त रूपमा पुलको निरीक्षण गरी मर्मत गरेपछि आज बिहानदेखि एकतर्फी रूपमा सवारीसाधन सञ्चालन गरिएको हो ।

गत फागुन २८ गते वीरगञ्जबाट लाइटर बोकेर महेन्द्रनगरतर्फ आउँदै गरेको ट्रकमा अचानक आगलागी भएको थियो । आगाले पुलका लठ्ठामा समेत सामान्य क्षति भएको थियो । जसका कारण सवारी आवतजावत रोकिएको थियो ।