मेयर गोपाल हमालका छोरी भारतबाट सम्पर्कविहीन

काठमाडौँ । धनगढी उपमहानगरपालिकाका मेयर गोपाल हमालका छोरी भाचरतबाट सम्पर्कविहीन भएका छन् । आफ्नो जेठी छोरी आरती भारतको गोवाबाट सम्पर्कविहीन भएको नगर प्रमुख हमालले सामाजिक सञ्जाल फेसबुक मार्फत जानकारी गराएका छन् ।

ओशो साधक आरती केही महिनादेखि ओशो ध्यान गर्न गोवामा बस्दै आएका थिए । उनी सोमबारदेखि बेपत्ता भएको हमालको भनाइ छ ।

छोरी बेपत्ता भएको बारे उनको साथबाट खबर आएको भन्दै नगर प्रमुख हमालले भनेका छन्, ‘गोवा बस्नु हुने शुभचिन्तक, दाजुभाई र दिदिबहिनीहरुले खोजी कार्यमा सहयोग गरिदिनु हुन विनम्र अपिल गर्दछु ।’