राष्ट्रिय सभा बैठक बस्दै

काठमाडौँ । राष्ट्रिय सभा बैठक आज (शुक्रबार) बस्दैछ ।

संघीय संसद् भवन, नयाँ बानेश्वरमा बैठक बस्नेछ ।

दिउँसो सवा १ बजे बोलाइएको आजको बैठकमा विकास, आर्थिक मामिला तथा सुशासन समितिका सभापति कमला पन्तले निःशुल्क स्वास्थ्य उपचारको सुनिश्चितता सम्बन्धी संकल्प प्रस्ताव प्रस्तुत गर्ने कार्यक्रम छ ।

यस्तै, कृषि तथा पशुपन्छी विकास मन्त्री ज्वालाकुमारी साहले खाद्य स्वच्छता तथा गुणस्तर विधेयक २०७७ प्रतिनिधिसभाबाट भएका संसोधनमाथि छलफल गरियोस र सो संशोधनलाई सहमति गरियोस भन्ने प्रस्ताव प्रस्तुत गर्ने महासचिव पदम प्रसाद पाण्डेले सार्वजनिक गरेको सम्भावित कार्यसूचीमा उल्लेख गरीएको छ ।