ललितपुरको ग्वार्कोस्थित एक टहरामा आगलागी हुँदा पाँच जना घाइते

काठमाडौँ । ललितपुरको ग्वाको नजिकै एक टहरामा आगलागी हुँदा एकै परिवारका पाँच जना घाइते भएका छन् ।

प्रहरीका अनुसार मोबिल स्टोर रहेको ललितपुर महानगरपालिका १७ स्थित एक टहरोमा आइतबार आगलागी पाँच जना घाइते भएका हुन् ।

घाइते हुनेमा सन्जय गिरी उनकी श्रीमती रुपा गिरीसँगै उनीका १५ वर्षीय छोरा नित गिरी, ८ वर्षीया छोरी प्रिया र ३ वर्षीया छोरी एलिसा रहेका छन् । ललितपुर प्रहरीका अनुसार घाइते पाँचै जनाको किस्ट अस्पताल ग्वार्कोमा उपचार भइरहेको छ ।

मोबिल स्टोर भएकाले टहरोमा अहिले आगो दनदनी बलिरहेको छ । आगो नियन्त्रणको लागि स्थानीय प्रहरी र दमकलले प्रयास गरिहेको छ ।