आज प्रतिनिधिसभाको बैठक बस्दै

काठमाडौँ । संघीय संसद्अन्तर्गत प्रतिनिधिसभाको बैठक आज बस्दैछ । बैठक बिहीबार बिहान ११ बजेका लागि बोलाइएको छ ।

प्रमुख प्रतिपक्ष दल नेपाली काँग्रेसले संसद् बैठक अवरुद्ध गर्दै आएकाले बैठक बोलाइए पनि संसद् चल्छ वा चल्दैन अनिश्चित छ । सहकारीको बचत अपचलन र ठगी प्रकरणमा गृहमन्त्री लामिछाने दोषी भएको काँग्रेसको आरोप छ ।

काँग्रेसले माग गर्दै आएको गृहमन्त्री लामिछानेमाथि छानबिन गर्न संसदीय समिति गठन गर्ने कार्य पूरा नभएसम्म सदन चल्न नदिने उसको अडान छ ।

काँग्रेसको अडानकै कारण संसदमा नीति तथा कार्यक्रम प्रस्तुत गर्न दिए पनि सदनमा टेबुल हुन सकेको छैन भने राष्ट्रपतिलाई धन्यवाद दिइने प्रस्ताव समेत प्रस्तुत हुन सकेको छैन ।