एसइईको नतिजा भोलि सार्वजनिक गर्ने तयारी

काठमाडौँ । २०८० सालको एसइईको नतिजा भोलि बुधबार सार्वजनिक गर्ने तयारी गरिएको छ ।

राष्ट्रिय परिक्षा बोर्ड, परीक्षा नियन्त्रण कार्यालय भक्तपुर स्रोतका अनुसार भोलि एसइईको परिक्षाको नतिजा सार्वजनिक गर्न आवश्यक तयारी पूरा भएको छ ।

बोर्ड स्रोतले भन्यो, ‘ कुनै प्राविधिक समस्या आए पर्सिलाई सर्नसक्छ, अन्यथा भोलि नतिजा सार्वजनिक गर्न सम्पूर्ण तयारी पूरा भएको छ ।’

यस वर्षको करिब ५ लाख परिक्षार्थीले एसइई दिएका छन् । गत वर्षको चैत १७ गतेदेखि २९ गतेसम्म चलेको थियो ।