Techie IT
२०८१ साउन ३, शुक्रबार
NepaliPatra logo
गृहपृष्ठनेपालपश्चिम नेपालमा मनसुन निष्क्रिय, पूर्वी नेपालमा सक्रिय

पश्चिम नेपालमा मनसुन निष्क्रिय, पूर्वी नेपालमा सक्रिय


काठमाडौँ । पश्चिम नेपालमा मनसुनको न्यून चापीय रेखा सरदर स्थानभन्दा दक्षिणतिर सरेकाले हिजो दिउँसोदेखि नै मनसुनको गतिविधिमा उल्लेख्य कमी आएको छ । त्यहाँ विगत १२ घण्टादेखि वर्षा पनि कम भएको छ ।

कञ्चनपुरको दोधारा, हनुमाननगर लगायत स्थानमा दुई दिनसम्मको वर्षाले सबै ‘रेकर्ड’ तोडेको थियो । वर्षासँगै आएको बाढी, पहिरो र डुबानका कारण जनजीवन अस्तव्यस्त भएको छ । त्यहाँ सुरक्षाकर्मी र स्थानीय प्रशासन बाढी पीडितलाई राहत वितरण र व्यवस्थापनको काममा सक्रिय छन् ।

जल तथा मौसम विज्ञान विभागको मौसम पूर्वानुमान महाशाखाका मौसमविद् सन्जिव अधिकारी मनसुनको न्यूनचापीय रेखा पश्चिम नेपालतिर रहँदा भएको अति भारी वर्षाले सुदूरपश्चिमका जिल्लाहरु प्रभावित भएको बताउँछन् ।

‘अहिले भने पश्चिम नेपालबाट मनसुन न्यूनचापीय रेखा थोरै दक्षिणतिर सरेकाले वर्षा रोकिएको छ,’ मौसमविद् अधिकारीले भने, ‘विगत १२ घण्टादेखि पश्चिम नेपालमा वर्षा नै नभएको अवस्था छ ।’

उनका अनुसार कर्णाली र सुदूरपश्चिम प्रदेशमा एक–दुई दिनलाई भारी वर्षा हुने देखिंदैन । ‘मनसुनको बेला छ, पानी त पर्छ तर कर्णाली र सुदूरपश्चिममा एक–दुई दिनलाई भारी वर्षा हुने देखिँदैन,’ उनले भने, ‘हल्कादेखि मध्यमसम्म मात्र सीमित हुने देखिन्छ ।’

मौसमविद् अधिकारीका अनुसार सोमबार रातितिर कर्णालीका एक दुई स्थानमा छिटफुट वर्षा भएको देखिएको छ । लुम्बिनीका थोरै स्थानमा हल्कादेखि मध्यम वर्षा भएको थियो ।

पूर्वी नेपालका भूभागमा भने मनसुनको न्यूनचापीय रेखा सरदर र सरदर स्थानभन्दा थोरै माथि रहेकाले केही स्थानहरुमा मध्यमदेखि भारी वर्षा भएको छ ।

पश्चिम नेपालमा आगामी दुई दिन मनसुन निष्कृय रहे पनि मध्य र पूर्वी नेपालमा सक्रिय रहने पूर्वानुमान छ । ‘आगामी बुधबार र बिहीबार मध्य र पूर्वी नेपालका भूभागमा मनसुन थोरै सक्रिय रहने देखिन्छ,’ मौसमविद् अधिकारीले भने ।

कोशी प्रदेशको सुनसरी जिल्लाका थोरै स्थानहरुमा गएराति धेरै भारी वर्षा भएको छ । आज बिहान भने बागमती, गण्डकी र कोशीका अरु धेरै ठाउँहरुमा हल्कादेखि मध्यम वर्षा भएको छ । मधेशका थोरै स्थानमा पनि भारी वर्षा भएको छ । आज बिहान धनुषा, सर्लाही जिल्लाको आसपासमा मध्यमदेखि भारी वर्षा भइरहेको छ ।

आज दिउँसो कोशी, मधेश र गण्डकी प्रदेशसम्म भारी वर्षाको सम्भावना रहेको मौसम पूर्वानुमान महाशाखाले जनाएको छ ।

काठमाडौं उपत्यकामा पनि वर्षाको सम्भावना छ । तर भारी वर्षाको सम्भावना भने छैन । आज बिहान पनि काठमाडौंका थोरै भूभागहरुमा वर्षा भएको छ ।

आज दिउँसो र भोलि (बुधबार) पनि काठमाडौंमा वर्षाको पूर्वानुमान छ । ‘काठमाडौं उपत्यकामा ठूलो पानी पर्ने, झरी पर्ने सम्भावना छैन, तर हल्कादेखि मध्यम किसिमको पानी पर्ने सम्भावना छ,’ मौसमविद अधिकारीले भने ।




ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।



तपाईको प्रतिक्रिया दिनुहोस


थप समाचार

सरकारले भन्याे– ‘बङ्गलादेशमा रहेका नेपाली विद्यार्थी सुरक्षित छन्’

काठमाडाैँ । सरकारले बङ्गलादेशमा रहेका नेपाली विद्यार्थी सुरक्षित रहेकाे जनाएको छ । परराष्ट्र मन्त्रालयले आज एक सूचना निकालेर अहिलेसम्म सम्बन्धित

राष्ट्रियसभामा थारु आयोगको वार्षिक प्रतिवेदन पेस

काठमाडौँ । राष्ट्रियसभामा ‘थारु आयोगको पाँचौँ वार्षिक प्रतिवेदन, २०७९–०८०’ पेस भएको छ । सभाको आजको बैठकमा प्रधानमन्त्री केपी शर्मा ओलीका

अमेरिकी दूतावाससँग जोडेर आएका समाचारबारे उपसभामुख रानाको ध्यानाकर्षण

काठमाडौँ । उपसभामुख इन्दिरा रानामगरले केही युवालाई अमेरिका पठाउन अमेरिकी दूतावासमा भिसा आवेदन दिएको र अमेरिकाले उपसभामुखसहित कसैलाई पनि भिसा

गृहमन्त्री लेखकसँग अमेरिकी राजदूतको भेटवार्ता

काठमाडौँ । गृहमन्त्री रमेश लेखक र अमेरिकी राजदूत डिन आर थम्पसनबीच भेटवार्ता भएको छ । शुक्रबार गृह मन्त्रालयमा भएको भेटवार्ताका

नेपाल आँखा अस्पतालको मेडिकल डाइरेक्टरमा डा. शाक्य

काठमाडौँ । नेपाल आँखा अस्पतालको मेडिकल डाइरेक्टरमा नेत्ररोग विशेषज्ञ डा. किरण शाक्य नियुक्त भएका छन् । अस्पतालको सञ्चालक समिति बैठकले

बाग्मतीमा राप्रपाले सरकारलाई विश्वासको मत नदिने

मकवानपुर । राष्ट्रिय प्रजातन्त्र पार्टी (राप्रपा)ले बाग्मती प्रदेश सरकारका मुख्यमन्त्री शालिकराम जम्कट्टेललाई विश्वासको मत नदिने निर्णय गरेको छ । बिहीबार

Techie IT