लोसपा अध्यक्ष महन्थ ठाकुर भारत प्रस्थान

काठमाडौँ। लोकतान्त्रिक समाजवादी पार्टी (लोसपा) नेपालका अध्यक्ष महन्थ ठाकुर भारतको नयाँ दिल्ली प्रस्थान गरेका छन्। अध्यक्ष ठाकुर दिउँसो १ः२५ बजे भारत प्रस्थान गरेका हुन्।

लोसपाका कार्यालय सचिव प्रदीप पाठकका अनुसार ठाकुर स्वास्थ्य उपचारका लागि भारत गएका हुन्। ठाकुरको आफ्नो मुटुमा लगाइएको पेसमेकर र एन्जिओग्राफीको फलोअपका लागि दिल्ली गएको उनले बताए।

स्वास्थ्य उपचारपछि ठाकुरले केही भारतीय नेताहरुसँग भेटघाट गर्ने बताइएको छ।