राजनीतिलाई सफा नगरीकन देश परिवर्तन गर्न सकिँदैनः गृहमन्त्री श्रेष्ठ

काठमाडौँ। उपप्रधान एवं गृहमन्त्री नारायणकाजी श्रेष्ठले राजनीतिलाई सफा नगरीकन देश परिवर्तन गर्न नसकिने बताएका छन्। आइतबार काठमाडौँमा आयोजित एक कार्यक्रमलाई सम्बोधन गर्दै उनले सो कुरा बताएका हुन्।

राजनीतिक व्यवस्था र परिवर्तनको नेतृत्वको कार्यान्वयन गर्ने जिम्मा लिएका नेतृत्वको कमजोरीका कारण नागरिकले चाहेको आवश्यकता पूर्ति गर्न नसकिएको गृहमन्त्री श्रेष्ठको भनाई छ। लामो आन्दोलनबाट लोकतन्त्र स्थापना गरे पनि जनताले चाहेको कुरा पूरा गर्न नसकिएको बताए।

राजनीतिबाट भागेर लोकतन्त्रको रक्षा गर्न र उपलब्धि बचाउन नसकिने भन्दै राजनीतिमै रहेर देश परिवर्तन गर्न सकिने उनको भनाई छ।