ओमबहालमा भाइले गरे दाइको हत्या

काठमाडौँ। काठमाडौँको ओमबहालमा भाइले आफ्नै दाइको हत्या गरेका छन्। सोमबार राति १२ बजे काठमाडौँ महानगरपालिका– २३ ओमबहाल माथेमा चोकमा भाइले दाइको हत्या गरेको हो।

घरायसी विवाद हुँदा २५ वर्षीय सुरज शाक्यले हतौडा प्रहार गरी ४५ वर्षीय सूर्य शाक्यको हत्या गरेको आरोप छ। आमालाई दाइले गाली गरेको झोंकमा भाइले हतौडा प्रहार गरी हत्या गरेको जिल्ला प्रहरी परिसर काठमाडौँका एसपी सीताराम रिजालले जानकारी दिए।

घटनापछि फरार रहेका भाइ सुरजलाई प्रहरीले काठमाडौँ– २५ सिगलबाट मंगलबार बिहान पौने ९ बजे पक्राउ गरेको हो।

घटनाको थप अनुसन्धान भइरहेको प्रहरीले जनाएको छ।