माइतीघरमा एक युवकद्वारा नागरिकता चाहियो भन्दै आत्मदाहको प्रयास

काठमाडौँ। माइतीघर मण्डलामा एक जना युवकले आत्मदाहको प्रयास गरेका छन्। सो युवकले नागरिकता चाहियो भन्दै आफैंमाथि मट्टितेल खन्याएर आत्मदाहको प्रयास गरेका हुन्।

उनले आफूमाथि मट्टितेल खन्याएपछि प्रहरीले उनको उद्धार गरेर ट्रमा सेन्टर लगेको छ।

नागरिकता विधेयकको पक्षमा अन्सनरत संघर्ष समितिका उपाध्यक्ष निरज कामतले आत्मदाह प्रयास गरेको प्रहरीले जनाएको छ। संघर्ष समितिमा अध्यक्ष इन्द्रजीत साफीले उपाध्यक्षसमेत रहेका निरजले एक्कासि पेट्रोल खन्याएर आत्मदाहको प्रयास गरेको बताए।

राष्ट्रपति रामचन्द्र पौडेलले नागरिकतासम्बन्धी विधेयकलाई प्रमाणीकरण गरे पनि सर्वोच्च अदालतले कार्यान्वय नगर्न आदेश दिएको थियो। त्यसलगत्तै संघर्ष समितिले माइतीघर मण्डलामा विरोध प्रदर्शन गर्दै आएको छ।

आत्मदाहको प्रयास गर्नेमा नागरिकता नपाएका निरज मोरङ कटारी युवा हुन्।