काठमाडौँ। धुम्बाराहीस्थित कान्तिपुर इङ्लिस हाईस्कुल (केईएचएस)ले साइबर अपराध सचेतना कार्यक्रम सञ्चालन गरेको छ। नेपाल प्रहरीको साइबर अपराध विभागसँगको सहकार्यमा स्कुलले कक्षा ७ देखि १० सम्मका विद्यार्थी र उनीहरूका अभिभावकहरूलाई लक्षित गरी कार्यक्रमको आयोजना गरेको हो।
स्कुलमा नै भएको सचेतना कार्यक्रममा नेपाल प्रहरी साइबर क्राइम विभागका एसएसआई हुमबहादुर राणा नेतृत्वमा अन्तरक्रियात्मक सत्र प्रस्तुत भएको थियो। कार्यक्रममा विद्यार्थी र अभिभावकहरूलाई साइबर खतराहरूको बुझाइ बढाउन र जोखिमहरू कम गर्न व्यावहारिक रणनीतिहरू प्रदान गर्न डिजाइन गरिएका विषयहरू समेटिएको थियो।
सहभागीहरूले ह्याकिंग, फिसिङ, अनलाइन घोटालाहरू, व्यक्तिगत जानकारीको सुरक्षा, गोपनीयता उल्लङ्घन र पहिचान चोरीबाट जोगाउन सुरक्षित अनलाइन अभ्यासहरू लागयतको विषयमा जानकारी प्राप्त गरेका थिए।
आजको डिजिटल युगमा प्रविधिहरुलाई अंगिकार गर्नुपर्ने आवश्यकता रहेको तर, प्रयोगमा चुनौति समेत हुने भएकोले सम्भावित घटनाहरु घट्न नदिनको लागि कार्यक्रम फलदायी रहेको स्कुलको भनाई छ।
