नुवाकोटमा २ वटा पक्कि पुल निर्माण शुरु

नुवाकोट । नुवाकोटको लिखु गाँउपालिका वडा नं. ३ स्थित सिन्दुरे खोलामा दुई वटा पक्कि पुलको निर्माण थालिएको छ ।

लिखु गाँउपालिकालाई जिल्लाको बेलकोटगढी नगरपालिका र ककनी गाँउपालिका सँग जोड्न तथा सदरमुकाम विदुर तथा राजधानी काठमाडौ आउजाउ गर्न सहज बनाउन एकै गाँउको एउटै खोलामा दुई वटा पक्कि पुल निर्माण थालिएको हो ।

दुई पुलको बागमती प्रदेशका मुख्यमन्त्री बहादुरसिंह लामा र भौतिक पूर्वाधार विकास मन्त्री अमनकुमार मास्के बाट सयुक्त रुपमा शिलान्यास गरेका छन । सिन्दुरे खोलामा निर्माण थालिएका दुई पुल मध्ये लिखु गाँउपालिका–३ स्थित सुपारीखोल्छी बाट बेलकोटगढी–१३ स्थित ढाडेँफेदी जोड्ने पक्कि पुलको लागत ८ करोड ४६ लाख रहेको छ ।

लिखु–३ स्थित कटरबोटे बाट ककनी–७ चतुरालेफेदी जोड्ने पक्कि पुलको लागत ५ करोड ८६ लाख रहेको छ । दुई पुल विसं.२०८२ असोज सम्म सम्पन्न गर्नु पर्ने गरेर निर्माण व्यावसायीलाई जिम्मेवारी दिइएको छ ।