काठमाडौँ । इन्टरनेट सेवा प्रदायक डिशहोम इन्टरनेटले ग्राहकहरुको आवश्यकतालाई मध्यनजर गर्दै इन्टरनेटसँगै सुरक्षा निगरानीका लागि वाइफाइ आइपी क्यामेरा पनि उपलब्ध गराउने भएको छ।
यसका लागि इजभिज र हाइकभिजनको नेपाल वितरक शारदा समूहको भगिनी संस्था वत्सल इम्पेक्स प्राइभेट लिमिटेडसँग डिशहोम इन्टरनेटले रणनीतिक साझेदारी घोषणा गरेको हो
घर निगरानी राख्नका लागि इजभिजले उत्पादन गर्ने वाइफाइ आइपी क्यामेराहरू विश्वभर अग्रणी स्थानमा पर्दछन्। क्यामेरा उत्पादक तथा इन्टरनेट सेवा प्रदायकको यो सहकार्यले शहरी र अर्धशहरी घरपरिवारहरूमा भरपर्दो र स्मार्ट निगरानीका लागी प्रयोग हुने क्यामेराको बढ्दो मागलाई सम्बोधन गर्ने लक्ष्य राखेको छ।
उच्च–ब्यान्डविथका आवासीय इन्टरनेटको व्यापक उपलब्धतासँगै, नेपालीहरूले पनि आफ्नो इन्टरनेटसँग जोडिन सक्ने स्मार्ट उपकरणहरूको खोजी बढ्दो रूपमा गरिरहेका बेला इन्टरनेट सेवा र वाइफाइ आइपी क्यामेरा एकअर्काका पूरक हुने भएकाले डिशहोमले ग्राहकहरूलाई देशैभर रहेको डिलर दाईको नेटवर्कमार्फत वाइफाइ आइपी क्यामेरा उपलब्ध गराउनेछ।
इजभिजको उन्नत निगरानी क्यामेराहरूमा उच्च भिडियो गुणस्तर, नाइट भिजन, मोसन डिटेक्सन क्षमता र मोबाइल एपहरूमार्फत सहजै पहुँच पाउन सकिने जस्ता सुविधाहरू उपलब्ध छन्।
